المنتدى الثقافى للشاعر جهاد بدر
نرحب بالساده الزوار ونعتذر لغلق مدونة الشعر للشاعر جهاد بدر ويرجى متابعة بعض الأعمال على صفحة التواصل الإجتماعى على صفحتنا الرسميه

https://www.facebook.com/ge.badr

أو من خلال هاشتاج #‏الشاعرجهادبدر

المنتدى الثقافى للشاعر جهاد بدر

هوايات.صور.اسلاميات.منوعات.ترفيه.متعه.مناظر.برامج.مواقع .مدونات.اشعار.
 
الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 الثورة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جهادبدر
Admin


عدد الرسائل : 603
العمر : 42
تاريخ التسجيل : 23/01/2007

مُساهمةموضوع: الثورة   الإثنين سبتمبر 07, 2015 12:25 pm

Sad

أصل العزيمه مش عدد
ولا الجحود أصل الولد

أنا إبنى كان توب للعمار
مين يا بنى صابك بالحسد

مين فينا نزلت دمعته
مين فينا تاهت سكته

ماسك طبول ماسك دفوف
زى الأفاعى لو يحوم

يعطّش شويه لهجته
و رتوش نفاق فى كلمته

و شويه طاير فى السما
يدخل بيوتنا بسحنته

هامسك رموتى و افصلك
غيرت مودى يلعنك

ياللى معاهم يوم ببرنُص
و يوم عليهم وشويه ترقص

إسمع يا هذا كلمتى
الكلمة تمسح دمعتى

دا المبتدأ قبل الخبر
ياللى بنارك تبتدى

خبط على كل الحيطان
عطشانه زرعه فى الغيطان

كمل كلام قاله شيطان
يمكن تغير لهجتى

لا انا جاى اقولك مصر أم
و لا ابكّى صوتك وسط دم

أنا جاى اقولك كلمتك
للرفعه أو للفقر هم

للجنه أو لعذاب أليم
لو كنت تقدر قول يا عم

و سيبنا نغزل للمليحه
بكلمه حلوه مش بغم

يمكن نداوى قلوب جريحه
و الغم عمره ما كان أصم

يا بن عمى إلعب بعيد
أنا مش هاصاحب ولاد لعم

أنا جاى أصحح غلطتى
ماسك فى إيدى شمعتى

هامشى بعين وسط الدموع
و التانيه تسقى زرعتى

أصلى ولدت من التراب
ورضعت منها و شعرى شاب

ما تقولى إنت الأصل فين
و لاّ اقولك كلمتين ؟؟

أنا كنت عايش وسط الفساد
أصبّر همومى بضحكتى

أيوا أنا كنت الأسير
مستور و راضى بقسمتى

لا شوفت دم الناس رخيص
ولا شجره بالنار تشتكى

إياك تقول جيت للخلاص
يا كل دمعه هاتنتهى

تعبان !! ريح ضميرك بالسكات
لو فى كلامك دمعتى

ما انا يوم تعبت مـ الفساد
و شكوت الحال يوم الحساب

ومهما تبقى العيشه هم
على جستى وعايش للتراب

مين اللى كان عايز دمار
يسلخ جلودنا و ينتشى

وعدوك بإيه علشان تخون
و تقولى ليه بتخونوا ؟

أمال يا هذا مين علمك
تضغط على زناد السلاح

تغسل همومنا بالهموم
و انا اللى فاكرك جيت للسماح

عملنا ثوره عـ الفساد
دلوقتى ظلمك شوفته ساد

تصاحبنى لو عجبك كلامى
و عكس هذا القى خراب

أيوا أنا حامى الحراب
واقف فى ضهرك يا البلد

ألعن خيانتك يا الولد
و اللى إتولد وصار كماله للعدد

Sad الشاعر جهاد بدر Sad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ghad_eg@yahoo.com
 
الثورة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدى الثقافى للشاعر جهاد بدر :: فى حـب مصر-
انتقل الى: