إعلن التوبة للشاعر جهاد بدر

إعلن التوبه و إرجع
ياللى بتنازع مماتك

يمكن هاتلقى عيونا تدمع
و إنت هامد بين سُكاتك

أو هاتلقى ملايكه تطرد
كل إبليس فى ثباتك

يللا طهّر كل كلمه
ياللى قطر العمر فاتك

كل وصمة عار بعمرك
و الدموع من إيد جنابك

كل مظلوم بالدعوه واقف
يوم قصاصه يوم مئابك

كل أم و كل طفله
مات أبوها بإيد عذابك

كل كلمه عن فضيله
جتنى ماسكه يوم سلاحك

جت بإبنى فى هدومه
دم صارخ لما شافك

دم قطّع بين هدومى
كل شوق طار فى سحابك

إعلن التوبه يمكن
تلقى رحمه فى مماتك

و لو هاتمسك عن شهاده
قولى مين هايدق بابك